Debora shtyn te dielen ndeshjen Roma-Inter
Reshjet e dendura të dëborës në Romë kanë shkaktuar shtyrjen e supersfidës së javës së 22-të të Serisë A, ndërmjet verdhekuqve të Luis Enrikes dhe Interit.
Në kalendar ndeshja ishte parashikuar të luhej të shtunën në orën 20.45, më pas prefekti i kryeqytetit italian vendosi që ajo të zhvillohej në orët e pasdites, ndërsa situate e rënduar solli shtyrjen me 24 orë të takimit. Si përfundim, Roma-Inter do të luhet të dielën më 5 shkurt në stadiumin “Olimpiko”, në orën 15.00.
Vendimi është marrë për shkak të rreshjeve të dendura, kun ë veri të Romës trashësia e dëborës ka arritur deri në 50 centimetra. Qyteti është praktikisht i paralizuar, ndërsa qytetarëve u është bërë thirrje të qëndrojnë në shtëpi. Kjo e bën të pamundur zhvillimin e ndeshjes, edhe sepse në kushtet e krijuara rrezikohet siguria e tifozëve dhe publikut.
Për shkak të bllokimit të rrugëve, klubi tjetër i kryeqytetit, Lacio nuk arriti të prezantonte blerjen më të re, Antonio Kandreva.
Ndërkohë, nga ndeshjet e javës së 22-të nuk do të zhvillohet as Çezena-Katania e parashikuar të luhej të shtunën. Në stadiumin “Manuci” vazhdon të bjerë dëborë dhe shtresa e krijuar ka trashësi deri në 60 centimetra. Grupi i Sigurisë vendosi që nuk ekzistojnë kushtet për një ndeshje futbolli, ndërsa data se kur do të luhet kjo sfidë pritet të përcaktohet në ditët në vazhdim.
Në kalendar ndeshja ishte parashikuar të luhej të shtunën në orën 20.45, më pas prefekti i kryeqytetit italian vendosi që ajo të zhvillohej në orët e pasdites, ndërsa situate e rënduar solli shtyrjen me 24 orë të takimit. Si përfundim, Roma-Inter do të luhet të dielën më 5 shkurt në stadiumin “Olimpiko”, në orën 15.00.
Vendimi është marrë për shkak të rreshjeve të dendura, kun ë veri të Romës trashësia e dëborës ka arritur deri në 50 centimetra. Qyteti është praktikisht i paralizuar, ndërsa qytetarëve u është bërë thirrje të qëndrojnë në shtëpi. Kjo e bën të pamundur zhvillimin e ndeshjes, edhe sepse në kushtet e krijuara rrezikohet siguria e tifozëve dhe publikut.
Për shkak të bllokimit të rrugëve, klubi tjetër i kryeqytetit, Lacio nuk arriti të prezantonte blerjen më të re, Antonio Kandreva.
Ndërkohë, nga ndeshjet e javës së 22-të nuk do të zhvillohet as Çezena-Katania e parashikuar të luhej të shtunën. Në stadiumin “Manuci” vazhdon të bjerë dëborë dhe shtresa e krijuar ka trashësi deri në 60 centimetra. Grupi i Sigurisë vendosi që nuk ekzistojnë kushtet për një ndeshje futbolli, ndërsa data se kur do të luhet kjo sfidë pritet të përcaktohet në ditët në vazhdim.