Dekretimi i anëtarit të 10-të të Gjykatës së Lartë, Kim: Mirëpresim bashkëpunimin për zbatimin e Reformës në Drejtësi!

Ambasadorja e SHBA, Yuri Kim, ka mirëpritur vendimin e Presidentit Ilir Meta për të dekretuar emërimin e anëtarit të 10 -të të Gjykatës së Lartë.

“Mirëpresim bashkëpunimin e vazhdueshëm ndërmjet institucioneve për zbatimin e reformës në drejtësi, përfshirë emërimin e sotëm nga Presidenca e gjyqtarit të 10-të në Gjykatën e Lartë. Kjo rrit funksionalitetin e Gjykatës së Lartë, gjithashtu i mundëson të emërojë gjyqtarët për Gjykatën Kushtetuese”, shkruan në reagim ambasadorja Kim.

Presidenti Ilir Meta ka miratuar këtë të mërkurë emërimin e Arbena Ahmeti, si anëtarja më e re në Gjykatën së Lartë.