Demshperblimi, emrat e 227 ish-te perndjekurve

Keshilli i Ministrave miratoi dje, vendimin per demshperblimin financiar per ish-te perndjekurit politike te regjimit komunist, i propozuar nga ministri i Drejtesise. Vendimi percakton masat e demshperblimit per 227 ish-te denuar politike, kerkesat e te cileve kane permbushur kriteret ligjore dhe te cilet kane vuajtur denimin e kryer ne burg nga data 30.11.1944 deri me 1.10.1991, si dhe familjaret e te denuarve me denim kapital (te pushkatuar apo te ekzekutuar). Shuma e masave te demshperblimit financiar, e perllogaritur sipas ketij vendimi, eshte ne total 827 363 566 leke. Sipas ketij vendimi, ngarkohen ministri i Drejtesise dhe ministri i Financave. Masa e demshperblimit per ish-te denuarit politike dhe familjaret e te denuarve, me denim kapital, u vendos te behet me keste, sipas kritereve e kufijve te percaktuar ne nenin 12, te ligjit nr. 9831, date 12.11.2007, "Per demshperblimin e ish - te denuarve politike te regjimit komunist", te ndryshuar. Shuma e llogaritur do te transferohet ne nje llogari speciale ne Banken e Shqiperise. Pagesa e demshperblimit per secilin perfitues behet nga ministria e Financave ne llogarite personale te ketyre perfituesve, te hapura ne bankat e nivelit te dyte, te perzgjedhura, sipas nenit 33, te ligjit nr. 9831, date 12.11.2007, te ndryshuar. Ngarkohen ministri i Drejtesise dhe ministri i Financave per zbatimin e ketij vendimi. Ky vendim hyn ne fuqi menjehere dhe botohet ne "Fletoren zyrtare". Ky eshte vendimi i 20-te, ne vijimesine e vendimeve te meparshme te qeverise per demshperblimin financiar te ish-te denuarve politike te regjimit komunist.