Udhezimi, Formulari A3 - tri dite afat per plotesim Sonila Isaku
Ministria e Arsimit ben publike menyren e plotesimit te Formularit A3, i cili permban 290 dege te ndryshme, nderkohe qe perbri tyre jane vendosur edhe numri i vendeve te lira. Sipas ketij udhezimi, percaktohet se maturantet do te kene tri dite afat per plotesimin e tij, pikerisht nga data 17 deri ne 20 tetor. Me pas, do te jene nje sere procedurash te tjera, te cilat kane te bejne me regjistrimin e deri ne shpalljen e fituesve te fazes se fundit. Sipas udhezimit te MASH-it maturantet qe nuk kane plotesuar me pare formularin A2, e marrin formularin A3 pasi te bejne pagesen prej 2.000 lekesh prane zyrave te Postes Shqiptare. Per kete kontingjent maturantesh, drejtorite e shkollave i dorezojne mandat pagesat perkatese se bashku me formularet A3 ne DAR/ZA. Nderkohe qe pas plotesimit dhe dorezimit te formulareve, do te jene drejtorite arsimore ato qe duhet t'i dergojne formularet A3 ne Drejtorine e Pranimeve prane AKP-se nga data 22.10.2011 deri ne daten 23.10.2011. "Me daten 22 tetor ora 10.00 do te zhvillohet testimi i Gjuhes Angleze ne Fakultetin e Studimeve te Integruara me Praktiken (FASTIP) te Universitetit "Aleksander Moisiu" Durres, per maturantet qe kane perzgjedhur ne preferencat e tyre dy programet e studimit te FASTIP-it perkatesisht per programin e studimit Menaxhim Hoteleri Turizem me kod 259, si edhe per programin e studimit Menaxhim i Ndermarrjeve te vogla dhe te mesme me kod 260",- thuhet ne njoftimin e MASH-it. Nderkohe qe Fakulteti i Studimeve te Integruara duhet te dergoje ne Drejtorine e Pranimeve prane AKP-se, rezultatet e testimit deri me date 24.10.2011 ora 16:00. Pas perpunimit te te dhenave, ne daten 31 tetor do te behet shpallja e listes perfundimtare te fituesve, te ndara sipas programeve perkatese te studimit, te renditur sipas rendit zbrites te pikeve dhe sipas preferences me te larte te kerkuar prej tyre ne formularin A3. Kjo do te jete ne perputhje me kuotat e rishperndara. Njekohesisht do te dorezohet kjo liste ne ministrine e Arsimit dhe Shkences. MASH-i e publikon kete liste ne faqen zyrtare te internetit brenda kesaj date. Regjistrimi i fituesve, do te behet prane sekretarive mesimore te institucioneve publike te arsimit te larte ne datat 1 deri 4 Nentor 2011, nga ora 8.00 deri ne oren 18.00. Per regjistrim, kandidati fitues duhet te dorezoje dosjen individuale me dokumentet origjinale si: diploma e Matures Shteterore, dokument identifikimi, dy fotografi dhe mandati i arketimit te tarifes se regjistrimit prej 1.550 lekesh, te leshuar nga zyrat e Postes Shqiptare.