Dëmtohet Esien, rrezikon sezonin

Sipas faqes në internet të tabloidit “Times”, shqetësimi ka të bëjë me faktin se dëmtimi në gju mund të ketë prekur ligamentet dhe në rast se kjo ka ndodhur, atëherë sezoni për mesfushorin afrikan mund të konsiderohet i përfunduar. Trajneri Karlo Ançeloti po pret me ankth rikthimin e lojtarit, edhe pse për të pasur një vlerësim të saktë të shkallës së dëmtimit, duhet pritur deri ditën e premte. Megjithatë, dëmtimi i Esienit, një nga pikat më të rëndësishme të ekipit anglez, është një goditje e rëndë për Çelsin në prag të sfidave me Interin në Ligën e Kampionëve.