Dënimi i “Grupit të Llapit”, Qeveria: Një lajm i keq

“Qeveria e Republikës së Kosovës ripërsërit të vërtetën e njohur botërisht se lufta e Ushtrisë Çlirimtare të Kosovës ka qenë luftë çlirimtare, e drejtë dhe e mbështetur nga të gjithë qytetarët e Kosovës. Qeveria e Republikës së Kosovës do të vazhdojë përkushtimet dhe angazhimet e veta për sundimin e ligjit dhe për drejtësi të paanshme për të gjithë qytetarët e vendit tonë”, thuhet në reagimin e qeverisë.

Një trup gjykues i përzier, i përbërë nga një gjykatës kosovar dhe dy gjykatës të EULEX-it, nën akuzat për krime lufte, ka dënuar Rrustem Mustafën me 4 vjet burg, Latif Gashin me 6 vjet burg dhe Nazif Mehmetin me 3 vjet burg.