Dënohen për komplot anti-izraelit

Një gjykatë në Baku ka dënuar tre meshkuj azerbajxhanas për organizimin e një komploti për vrasjen e mësuesve në një shkollë izraelite në Azerbajxhan. Udhëheqësi i grupit i dënua me 14 vjet burg përderisa dy të tjerët me 13 dhe me 8 vjet burg.

Sipas hetuesve, për kryerjen e vrasjeve në Baku grupi ishte paguar nga një person që kishte lidhje me shërbimet iraniane të sigurimit.

Pak kohë më parë , udhëheqësi i grupit ishte prononcuar për televizionin shtetëror të Azerbajxhanit, kur kishte sqaruar se sulmi ishte planifikuar në shenjë hakmarrjeje ndaj Izraelit, pas vrasjes së një fizikanti iranian.