Denohet Kukesi do te luaje nje ndeshje pa spektatore

Një ndeshje në shtëpi pa spektatorë. Ky ishte dënimi i dhënë për Kukësin pas dhunës në ndeshjen ndaj Laçit në Kupën e Shqipërisë.
Tifozë vendas kanë goditur lojtarët miq me sende të forta duke plagosur në kokë njërin prej tyre, Danin. Ky i fundit ka marrë ndihmën mjekësore dhe nuk rrezikon.
Takimi i parë gjysmëfinal në Kupë përfundoi 0-0, ndërsa skuadra mike e mbylli me 10 lojtarë pasi Doku u përjashtua me karton të kuq.
Tashmë, Kukësi do të luajë ndeshjen e radhës në shtëpi në kampionat pa spektatorë, ndërsa laçianët kanë kërkuar gjyqtar të huaj në ndeshjen e kthimit në Kupë, atë që do të luhet më 17 prill.