Dentisti hap sekretet 4500-vjeçare të faraonit

Një dentist nga Hong Kongu po ndihmon në zgjidhjen e misterit të fundit të Piramidës së madhe të Gizës. Ai është bërë pjesë e skuadrës që shpreson të zgjidhë misterin e dyerve që bllokojnë boshte të pjerrëta të piramidës, e cila është varri i faraonit Keops, i njohur edhe si Khufu. Boshtet i kanë munduar arkeologët që kur ato u zbuluan, në vitin 1872, me disa që spekulonin se përtej tyre ishte dhoma e varrit të Khufu, me thesare mahnitëse. Ng Tze-chuen, 59-vjeç ka dizajnuar një mjet të vogël gërryes për një robot në përmasat e një buburreci, i cili mund të arrijë përtej dyerve brenda piramidës. Roboti do të lëvizë nëpër boshte, të cilët janë aq të pjerrët, sa vetëm një robot i vogël si ai mund të hyjë, dhe më pas do të gërryejë me mjetin e krijuar nga dentisti, të ngjashëm me frezat e dhëmbëve. Roboti ka edhe kamera për të regjistruar se çfarë mund të ketë përtej dyerve. Ekipi ndërkombëtar i emërtuar Djedi, si magjistari që faraoni thuhet të ketë konsultuar për të ndërtuar piramidën, planifikon ta përdorë robotin këtë pranverë, dhe është në pritje të licencës.