Deshton strategjia e Personave me Aftesi te Kufizuara
Strategjia e personave me aftesi te kufizuara ka deshtuar. Tre vjet pas miratimit te saj asnje nga institucionet qeveritare nuk ka marre asnje mase per mbrojtjen dhe punesimin e ketyre personave. Nderkohe qe edhe buxheti i ketyre tre viteve ka qene i pamjaftueshem, dhe ky ka bere qe strategjia te jete e pazbatueshme. Po keshtu, nje tjeter aspekt negativ, ne raportin qe eshte bere, u verejt edhe mungesa e njesive monitoruese ne cdo institucion per te ndjekur edhe zbatuar kete strategji. “Parashikimet buxhetore jane te pamjaftueshme te cilat parashikojne zbatimin e kesaj strategjie kombetare. Qe ne momentin e miratimit, strategjia kishte mungesa te planifikimeve buxhetore, nderkohe qe edhe ne kete periudhe 2005-2008 nuk jane bere perpjeke per rishikimin e buxhetit. Kjo eshte nje strategji qe nuk ka buxhet”, eshte shprehur Blerta Cani, drejtore e fondacionit shqiptar per te drejtat e PAK. Sipas saj, kuadri ligjor nuk eshte i plote dhe gjitheperfshires dhe nuk eshte ne perputhje me dokumentet nderkombetare qe mbrojne te drejtat e Personave me Aftesi te Kufizuar (PAK). Nje tjeter fakt qe eshte vene ne dukje gjate studimit ka qene edhe angazhimi i ministrive kryesore per keta persona. Keshtu Ministra e Arsimit nuk ka punuar per kurrikulat shkollore, ajo e Shendetesise shfaq mangesi per trajtimin e ketyre personave. Nderkohe qe gjate ketyre viteve nuk rezulton asnje person me aftesi te kufizuara i punesuar ne sektorin publik, apo i regjistruar ne zyrat e punes.
Duke qene se kjo strategji nuk eshte zbatuar gjate ketyre tri viteve, ekspertet kane propozuar qe ajo te rishikohet edhe nje here, si dhe te behen ndryshimet e duhura. Keto te fundit kryesisht ne afatet kohore dhe masat e planit te veprimit dhe buxhetit. Nje nga rekomandimet e tjera eshte ngritja e nje strukture te plote per monitorimin e strategjise kombetare per PAK, dhe kjo ka te beje me ngritjen e nivelit te perfaqesimit. Drejtuesit e Fondacioni shqiptar te te Drejtave te PAK kane kerkuar qe kjo qender monitorimi te jete ne varesi te Keshillit te Ministrave dhe jo me te Ministrise se Punes.