Di Vaio mbetet në Bologna
Nga Express më 11 mars 2011 në ora 20:05
Kapiteni i Bolognas, Marco di Vaio pritet të vazhdojë kontratën e tij me klubin gjatë javës së ardhshme, ka bërë të ditur menaxheri i tij, Federico Pastorello.
Sulmuesi 34 vjeç është duke luajtur rol vendimtar në skuadër këtë sezon, duke realizuar 17 gola.
“Kemi marrëveshje me klubin dhe javën e ardhshme do ta finalizojmë atë. Marco dëshiron të mbetet në Bologna”, tha Pastorello. Kontrata e re pritet të jetë dyvjeçare, pas së cilës futbollisti mund të inkuadrohet në një detyrë të zyrtarit të klubit.