Trabelsi, selektor i ri i Tunizisë
Nga Express më 11 mars 2011 në ora 20:03
Ish reprezentuesi tunizian, Sami Trabelsi është emëruar selektori i ri i ekipit kombëtar, i treti nga po aq muaj të këtij viti.
Emërimi i Trabelsit erdhi pas një takimi të Federatës së Futbollit të Tunizisë të enjten. Detajet e kontratës nuk janë bërë të ditura.
Trabelsi zëvendëson Ammar Souyahun, i cili ishte angazhuar muajin e kaluar në vend të Faouzi Benzarti, por u largua pa drejtuar ekipin në asnjë ndeshje.
Trabelsi është i ngarkuar me detyrën e sigurimit të kualifikimit për në Kupën e Afrikës 2012.