Dialize per femijet, shpetohen qindra jete

Sonila Isaku
Femijet qe vuajne nga mosfunksionimi i veshkave dhe per pasoje kane nevoje per dialize, qe sot e tutje do ta kryejne ate ne Qendren Spitalore Universitare “Nene Tereza", ne pavijonin e sapo celur. Ne kete repart pritet te trajtohen mbi 110 femije qe vuajne nga kjo semundje paciente te cilet deri me sot nuk kane mundur te marrin kete sherbim mjekesor nga personeli shendetesor, pasi ai ka munguar. Nderkohe qe mjeket thone se ne rast se keta femije, nuk marrin mjekim e duhur atehere pasojat jane fatale per jeten.
Pavijoni
Pavijoni i hemodializes pritet tu vije ne ndihme femijeve te cilet deri me sot nuk kane pasur mundesi per marrjen e ketij sherbimi. “Ne pese vitet e fundit ne kemi evidence, afersisht mbi 110 femije, fati i te cileve nuk di se si ka qene, sepse ky sherbim mungonte, dhe nje pjese e tyre, kuptohet semundja eshte e tille qe perfundon me humbjen e jetes. Nje pjese jane jashte Shqiperise. Tani jemi ne dispozicion te ketyre te semureve”, thote Rezart Xhepa, shef i Pavijonit te Nefro-pediatrise dhe Dializes. Sipas tij, ndonese numerohen rreth 110 femije qe kane nevoje te kryejne procesin e dializes ende nuk dihet shperndarja gjeografike e tyre.
Inaugurimi
Ministri i Shendetesise Petrit Vasili dhe drejtori i QSUT-se, Ilir Dashi si dhe Presidenti i pergjithshem i TIKA-s, Musa Kulaklikaya inauguruan repartin e pare te hemodializes, i cili eshte hapur brenda spitalit Pediatrik. Ky pavijon ka 7 shtreter ku cdo dite do te kryejne dialize 12 femije. “Ky sherbim ka pak kohe qe funksionon fale nje donacioni prej 316 mije euro nga Agjencia Turke per Bashkepunim dhe Zhvillim (TIKA). Ndoshta, trajtimi i ketij grupi pacientesh perben sektorin me dinamik ne zhvillimet e QSUT-se ne disa vitet e fundit. Rritja e ndjeshme e kapacitetit te pacienteve qe marrin dalize, transplant te veshkave dhe se fundi ky sherbim jane demonstrim i mire dhe vemendjeje e nje pune serioze” ka pohuar Dashi. Sipas tij, ky sherbim tashme do te zgjidhe hallet e ketij komuniteti vunerabel ne Shqiperi. Kurse Ministri i Shendetesise vleresoi se “hapja e sherbimeve te reja te munguara me pare do te thote me shume shendet dhe shpetim i me shume jete njerezish ne menyre te vecante per patologjite delikate si ato qe trajtohen me hemodialize”. Sipas kreut te shendetesise gjate muajve ne vijim ne kete qender do te kete inaugurime te tjera dhe mbyllje te cikleve te plota te trajtimit dhe diagnozes ne menyre shkencore dhe nivel universitar.

Shifra
110 femije kane nevoje per dialize ne vendin tone
7 aparatura te dializes jane sot ne pavijon
12 femije mund te marrin sherbim brenda dites
1 here ne dy dite kane nevoje per dialize keta femije
6 dhoma permban reparti i negro-pediatrise se femijeve
13 shtreter jane ne funksion te femijeve me probleme ne veshka
10 deri 15 raste te reja ne vit eshte incidenca e semundjes
316 mije euro eshte financimi i bere nga turqit