Diplomat pa vlere, studentet e Juridikut hyjne ne greve urie

Vlore- Studentet e deges se Juridikut te Universitetit "Ismail Qemali" ne Vlore, kane nisur dje ne oren 16:00 greven e urise, te paralajmeruar prej nje muaji. Kerkesa e tyre nuk gjeti zgjidhje, ndaj ata kane zgjedhur masen me ekstreme te protestes. Studentet qe jane diplomuar kete vit, kerkojne ndryshimin e emertimit te diplomes se tyre te cilen e cilesojne si nje "cope kartoni". Greva eshte duke u zhvilluar tek godinat e reja te universitetit, ne Skele. Mesohet se jane rreth 30 te rinj qe jane ngujuar ne keto ambiente dhe perfaqesues te tyre, thane se jane njoftuar policia dhe organe te tjera kompetente. Grupi i studenteve ka protestuar disa here gjate muajve te ketij viti, madje edhe para Ministrise se Arsimit, duke u shprehur te indinjuar ndaj indiferences, me te cilen po perballen. "Nuk eshte e drejte qe kater vitet e sakrificave tona dhe te prinderve tane per te na shkolluar ne arsimin universitar te konvertohen me nje titull "njohes ligjesh". Studentet e Tiranes qe kane bere po te njejtin program si ne, kane ne diplome titullin "Jurist'", shprehen te indinjuar studentet greviste. Me ane te nje deklarate per shtyp, grupi i perfaqesuesve te greves se urise beri me dije se: "Ne studentet e deges Drejtesi te Universitetit "Ismail Qemali", prej me se nje muaji jemi duke protestuar ne te gjitha format, per sa i perket diplomes se marre ne fund te studimeve tona kater vjecare". Sipas tyre, pavaresisht se programi i zhvilluar eshte me se mjaftueshem per te qene te barabarte ne tregun e punes, jo vetem nuk kane marre diplomen e merituar, por edhe po behen preh e disa pengesave institucionale nga organet kompetente per kete ceshtje. "Vleresojme se problemi yne eshte ceshtje vullneti institucionesh, i thjeshte per t'u zgjidhur, por qe kerkon nje angazhim serioz institucional nga organet kompetente. Ne keto kushte i bejme thirrje kryeministrit Sali Berisha, te nderhyje me autoritetin e vet per t'i dhene Drejtesise, drejtesine e merituar", thuhet ne deklaraten e 200 studenteve qe shprehen se nuk do terhiqen nga ky vendim pa nje zgjidhje.

O. Hila