“Do ndertojme 4 burgje private, pagese per punen e te denuarve”

Ministri i Drejtesise publikoi dje nismen se qeveria do te angazhohet pergjate muajit maj ne reformen e burgjeve private, me qellim reformimin e sistemit te burgjeve. Ministri Eduard Halimi tha se do te ndertohen 4 burgje private, ku do te izolohen te denuar deri ne 5 vjet burg, dhe qe jane me rrezikshmeri te ulet shoqerore, si dhe rreth 3000 te denuar qe vuajne denimet jashte territorit shqiptar. “Paketa Penale dhe Reforma e Burgjeve, bashkelidhen per te luftuar me vendosmeri kriminalitetin. Ne baze te partneritetit publik me privat, do te ndertojme burgje te reja per te denuarit deri ne 5 vjet, me rrezikshmeri te ulet. Keto burgje do te menaxhohen nga privatet, duke ndjekur nje model te nderthurur anglez dhe amerikan”, u shpreh Halimi. Burgjet private sipas ministrit, do te ulin kostot e ndertimit dhe mirembajtjes per shtetin, duke rritur cilesine e sherbimit ne institucion si dhe do te garantojne rehabilitimin. “Ne keto burgje vendosen me lehte programe te punes per te burgosurit, duke u dhene atyre mundesine te kualifikohen dhe te punojne. Nuk do dalin me me duar ne xhepa, vulnerabel per te kryer te tjera krime”, tha me tej ministri i Drejtesise. Kjo reforme do te mund t’u mesoje nje zanat te denuarve, te cilet do te perfitojne nje shume te ardhurash. Avantazhe do kete edhe per biznesin, pasi do te sigurojne nje pune te paguar me lire dhe do te behen partnere te rehabilitimit ne interes publik. “Per shtetin, puna ne burgjet private lehteson rehabilitimin, ul kostot dhe me e rendesishmja, kursen parate e taksapaguesve. Paralelisht do te krijohet sistemi dixhital per burgjet, per te garantuar monitorimin e tyre dhe evidentuar rastet e recidivisteve”, deklaroi Halimi, duke shtuar se me reformen ne Burgjet Private do njohe zhvillime dhe politika e denimeve alternative. Do t’u mundesohet te burgosurve me pak te rrezikshem te dalin dhe te punojne jashte burgut, duke i krijuar mundesite e kualifikimit dhe te te ardhurave. Keto burgje, te cilat do te ndertohen ne kater vitet e ardhshme, do te mjaftojne per te transferuar se paku 3000 te denuar, qe vuajne denimin jashte Shqiperise, duke i kursyer familjareve te tyre shpenzimet e medha, harxhuar rrugeve per t’i takuar.