Doganieret greke, mbyllin per 24 ore doganat e Kakavijes dhe Tre urave
GJIROKASTE - Dogana greke e Kakavijes dhe ajo e Tre Urave, ka bere te ditur zyrtarisht dje se nga ora 6 e mengjesit te sotem nuk do te kryeje veprime. Sipas paralajmerimit te bere per palen shqiptare, greva e doganiereve pritet te zgjase per 24 ore. Lajmerimi eshte bere diten e djeshme ne mesdite me qellim qe personat qe duan te kalojne ne kete pike kufitare duhet te evitojne levizjet. Ne kete menyre rikthimi ne greve diten e sotme i doganiereve greke do te bllokoje per 24 ore levizjen ne te dyja anet e kufirit shqiptaro-grek ne doganat e Kakavijes, ne Gjirokaster dhe Tri Urat ne Permet. Sipas burimeve zyrtare ne Drejtorine e Policise ne Gjirokaster, homologet e policise greke iu kane bere te ditur lajmin. Keshtu prej ores 06:00 te mengjesit te sotem deri ne oren 06:00 te mengjesit te neserm doganieret greke te Kakavijes dhe Tri Urave, do i bashkengjiten greves se kolegeve te tyre. Greve do te behet dhe ne doganat e tjera duke bllokuar keshtu per 24 ore rresht levizjen ne te dyja anet e kufirit ne pikat doganore mes Jugut te vendit dhe Greqise. Por nje njoftim i tille nuk eshte dhene per doganen e Kapshtices, ne Devoll. Ne njoftimin e pales greke eshte bere e ditur se, gjate kesaj kohe do te lejohen te levizin ne te dyja anet e kufirit vetem kembesoret. Kjo eshte konfirmuar nga burimet zyrtare te Policise se Gjirokastres. Keshillohet qe personat qe do te levizim me automjete te shmangin kete gje, gjate 24 oreve te ardhshme. Edhe gjate javes se kaluar doganieret greke te Kakavijes dhe Tri Urave bojkotuan per nje dite punen duke sjelle paralizimin e levizjes ne kufirin shqiptaro-grek, e duke krijuar probleme ne qarkullimin e njerezve. Blerim Kore