Dosja për Ramën në Prokurori/ Berisha: Prokuroria, pre e ndikimit politik, nuk heton dosjet korruptive të kreut të Bashkisë, Edi Rama

Kryeministri Sali Berisha u shpreh mbrëmë se Prokuroria po mban peng hetimin e dosjeve të Edi Ramës, që faktojnë abuzimet e tij me lejet e ndërtimit. Sipas kryeministrit, me këto veprime, organi i akuzës, duket qartë që ka rënë pre e ndikimeve politike, pasi po aplikon dy standarde të punën e saj të hetimit dhe vënien para drejtësisë. “Prokuroria nuk duhet të aplikojë dy standarde në aasimetri totale. Ajo duhet të hetojë edhe admiminstratën e mëparshme. Dosjet e Edi Ramës, janë në prokurorinë e Tiranës. A ka praktikë më korruptive, sesa t’i japësh mikun tënd 19 leje ndërtimi nga 28 të tilla në tërësi. Në plot 8 vite të qeverisjes socialiste, Shqipëria u ngjit në majën e piramidës së korrupsionit dhe të krimit të organizuar, ku bandat kontrollonin të gjithë vendin. Unë nuk mund të bëja prokurorin, por kërkova vazhdimisht dënimin e të korruptuarve dhe përkrahësve të krimit. Ne edhe mund të hyjmë në BE, por nëse nuk funksionon shteti ligjor, do të mbetemi një vend me njolla”, tha Berisha