Dosjet, Pollo: Hapja në mënyrë të paanshme

Qeveria garanton Këshillin e Evropës se do të zbatojë në mënyrë korrekte dhe të paanshme ligjin e hapjes së dosjeve. Zëvendëskryeministri Genc Pollo priti dje raporterët e Këshillit të Evropës (KE), David Uilshire dhe Jako Lakso. Pollo vuri në dukje se "ligji i lustracionit bazohet në dokumentet e Këshillit të Evropës dhe vendimet e Gjykatës Evropiane të të Drejtave të Njeriut, me seli në Strasburg, dhe i shërben synimit ndërkombëtarisht të mirëpranuar të shkëputjes nga e kaluara totalitare”. Reporterët e Këshillit të Evropës erdhën në Tiranë për të parë ecurinë e zbatimit të ligjit të lustracionit dhe situatën e përgatitjes së zgjedhjeve të ardhshme parlamentare. Gjatë qëndrimit të tyre në Tiranë, ata zhvilluan takime me përfaqësues të lartë të shtetit dhe të partive politike parlamentare.