Drejtesia, Halimi: Emerime klienteliste ne gjyqesor Rozeta Rapushi

Ministri i Drejtesise, Eduard Halimi, akuzoi dje ashper Keshillin e Larte te Drejtesise, drejtuesit e saj per transferimet e gjyqtareve, si proces qe po behet pa asnje kriter, konkurrim apo vleresim mbi baze njohjesh e influencash. Ne takimin Konsultativ per Konferencen Gjyqesore Kombetare, Halimi ngriti zerin per atentatin me te frikshem te bere ndaj drejtesise dhe demtim te rende te ketij sistemi. "Nuk ka nevoje te jesh Minister te dish se transferimi ne Tirane e ne Durres eshte deshire e cdo gjyqtari e prokurori. Por, kur keto levizje behen pa asnje kriter, pa konkurrim, pa vleresim, por vetem mbi baza njohjesh e influencash, i kemi bere sistemit te drejtesise atentatin me te frikshem. Kemi dekurajuar gjyqtaret e prokuroret e ndershem, te cilet nuk kane pasur njohje, por kane besuar tek institucionet", - reagoi ashper ministri, duke drejtuar keshtu gishtin si pergjegjes kreut te shtetit Bamir Topi, si dhe ish-nenkryetarit Kreshnik Spahiu. Halimi permendi faktin se ky takim konsultativ zhvillohet ne nje moment kyc per zhvillimet institucionale te Shqiperise. Kjo duke marre parasysh faktin se ka filluar zbatimi i reformave te medha te pushtetit gjyqesor, si pjese e procesit te vrullshem te integrimit ne familjen europiane te Shqiperise. Ne kete aspekt, ministri gjeti rastin te permende edhe problemet ne pushtetin gjyqesor. Sipas tij, ndonese Kushtetuta e orienton kete pushtet drejt vetorganizimit ne nje konference gjyqesore kombetare, konsolidimi i ketij forumi nuk ka qene nje rruge e lehte, shpesh madje edhe e penguar qellimisht nga te trete. "Rast simbolik ne kete histori institucionale te veshtire eshte bllokimi i para dy vjeteve. Dy vjet me pare, pikerisht, ata qe kishin detyren kushtetuese dhe institucionale per forcimin e kesaj organizate, vepruan ne te kundert. Ata u munduan me cdo mjet e menyre te bllokonin mbledhjen e Konferences Gjyqesore per te penguar zgjedhjen e anetareve te rinj te Keshillit te Larte te Drejtesise", - permendi ministri. Halimi kujtoi gjithashtu faktin qe disa gjyqtare i kane treguar edhe se si i kishin marre ne telefon duke i keshilluar per te mos shkuar ne konference ose te votonin kunder Kryetares se Gjykates se Larte, njeherazi Kryetare e Konferences. "Veprime te tilla kishin dukshem nje qellim: ruajtjen e status quo-se te Keshillit te Larte te Drejtesise, ruajtjen e formatit te KLD-se, duke shmangur me cdo mjet e menyre percjelljen e zerit real te gjyqtareve ne vendimmarrjet e rendesishme dhe rinovimin e KLD", - theksoi ministri i Drejtesise. Sipas ministrit, kaluan pak muaj dhe KLD, ne ruajtje te status quo-se se saj dhe me anetare me mandate pertej afateve kushtetuese, veproi me nje numer te larte transferimesh dhe promovimesh te gjyqtareve. Promovime dhe transferime qe, sipas tij, u diskutuan jo pak, madje pati edhe zera te revoltuar gjyqtaresh per to. "Si kurre me pare, disa eksperte te Bashkimit Europian publikuan ne raportet e tyre fakte tronditese per procesin e transferimeve dhe promovimeve ne KLD, duke deklaruar haptazi nje lidhje te tyre me ceshtje te korrupsionit. Pas ketij veprimi, ndodhi qe Konferenca Gjyqesore Kombetare u mblodh", - permendi ministri.

Gjykata Administrative, ministri vleresime per miratimin e projektligjit

Ministri i Drejtesise, Eduard Halimi, vleresoi dje miratimin me konsensus ne Komisionin e Ligjeve, te projektligjit aq shume te perfolur per Gjykaten Administrative. Halimi vleresoi propozimin e opozites per te perfshire ne provim te gjithe gjyqtaret qe shkojne ne kete gjykate ishte interesant krahas kritereve te tjera me pikezim. "Ajo qe kerkova une, ishte mbajtja deri ne fund te procesit si kriter te vetem vleresimin e marre ne konkurrim. Me asistencen e cmuar te Misionit Euralius, ky proces eci me sukses dhe shpreh besimin tim se pas dy diteve ky projektligj do te miratohet ne Kuvend", - shtoi ministri.

Sequi: Bashkepunim politik per reformen ne drejtesi

Reforma ne drejtesi nuk mund te realizohet pa pasur me pare bashkepunim mes forcave politike. Kjo ishte keshilla qe Ambasadori i Bashkimit Europian ne vendin tone, Etore Sequi, dha dje ne takimin Konsultativ per Konferencen Gjyqesore Kombetare. Sipas diplomatit, forcat politike jane ato qe me ane te nje debati konstruktiv duhet te miratojne nismat ligjore qe lidhen me reformen e gjyqesorit. Sipas tij, per nje projektligj duhet te kete debate konstruktive dhe gjitheperfshirese te paleve te perfshira. "Ky eshte prioriteti kryesor per t'u perfunduar. Pergjegjshmeria e anetareve te konferences gjyqesore mund te ndikoje ne jeten e qytetareve", - u shpreh ambasadori. Ne te njejten linje u shpreh edhe kryetarja e Gjykates se Larte, Shpresa Becaj, e pranishme ne kete takim. Becaj kerkoi gjithashtu angazhim te forcave politike per te bere te mundur miratimin e nismave te rendesishme ligjore.