Drogba: Mos më pyetni për të ardhmen

Didier Drogba ngurron të diskutojë të ardhmen e tij me Chelsean pasi shkëlqeu mbrëmë në fitoren ndaj Valencias.

Sulmuesi i Bregut të Fildishtë do të jetë pa kontratë në fund të sezonit dhe atij ende nuk i është ofruar rinovimi nga klubi londinez.

“E ardhmja ime nuk është e rëndësishme, gjëja më e rëndësishme është të kthejmë ekipin në pozitën ku duam të jemi, në maje të Premier Ligës. Ne nuk jemi të kënaqur me pozitën ku jemi tani”, ka thënë Drogba.