Durres burri vret gruan dhe veten
Burre e grua u gjeten te pajete mengjesin e djeshem ne familjen me origjine nga Mirdita e me banim ne lagjen 14 te Durresit ne zonen e njohur si ish-Keneta. Policia e Durresit pohoi nga verifikimet e ngjarjes se rende se Ded Malndrea 54 vjec ka qelluar bashkeshorten e tij Marta Malndrea 52 vjece me nje pistolete pas nje sherri te momentit. Dyshohet se gjithcka ka ndodhur pas nje debati mes bashkeshorteve ne rrethana ende te paqarta por qe u pasuan me plumba. Sipas policise kryefamiljari ka nxjerre armen pistolete qe mbante ne dhomen e gjumit vend ku ka ndodhur dhe krimi duke qelluar mbi bashkeshorten dhe me pas me te njejten arme i ka dhene fund edhe jetes se tij. Trupat e pajete jane gjetur nga femijet e tyre rreth ores 6 e 30 te mengjesit pak sekonda pas ngjarjes. Pasi kane degjuar te shtena dy djemte e shtepise kane rendur menjehere per ne dhomen e prinderve te tyre per te pare se cfare kishte ndodhur. Familjaret shprehen se kane gjetur deren e dhomes te mbyllur nga brenda cka ka detyruar djalin e madh te thyeje xhamin per te hyre brenda. Pasi shperthyen deren ata kane pare skenen tragjike kur dy trupat e pajete nena ne krevat ndersa babai ne dysheme ishin te mbuluar nga gjaku. Policia eshte njoftuar nga fqinjet rreth ores 7 te mengjesit. Me te mberritur ne vendngjarje ka nisur ekzaminimet e para. Nga hetimet e deritanishme sipas policise kemi te bejme me nje ngjarje ku bashkeshorti ka kryer vrasjen me pare te gruas se tij dhe me pas eshte vetevrare. Ne vendin e ngjarjes ekspertet kane administruar armen me te cilen dyshohet te jete kryer krimi nje pistolete e markes TT dy gezhoja plumbash si dhe objekte te tjera qe per hetuesit jane vleresuar si prova per hetimin. Pas keqyrjes se kryer nga ekspertet dhe pjesetare te grupit hetimor policia ka marre deklarimet e personave deshmitare ne vendin e ngjarjes femijet e ciftit si dhe persona te tjere qe mund te kishin dijeni mbi ngjarjen. Komshinjte tregojne se jane tronditur mengjesin e djeshem kur kane degjuar britmat e femijeve te ciftit te cilet kane kerkuar ndihme perballe asaj skene te tmerrshme qe kane pare. Nga fqinjet mesojme se bashkeshortet nuk kane pasur probleme madje sipas tyre ishin te respektuar. Protagonistet e ngjarjes se rende prinder te pese femijeve ishin te ardhur nga Mirdita dhe ishin vendosur qe prej 10 vitesh ne zonen e ish-Kenetes ne Durres. Ata kishin punuar me pare ne arsim ndersa ne Durres ishin angazhuar ne sektore private burri ne nje gomisteri ndersa gruaja ne nje rrobaqepesi. Familjare dhe fqinj te viktimave thone se ata nuk kane pasur probleme me pare. Nisur nga fakti se gjendja ekonomike e tyre ishte e mire hetuesit kane hedhur dyshime per nje grindje per shkaqe xhelozie te ciftit ndonese kjo piste nuk u mbeshtet nga ana e te afermve te tyre.
DURRES/ LEONIDHA MUSAJ