Dy ore shi permbytin perseri Vloren
Qyteti i Vlores eshte gdhire dje nen nje rrebesh shiu qe ka shkaktuar probleme serioze ne qytet dhe rrethina. Intensiteti i reshjeve ka bere qe shume rruge si dhe lagje te Vlores per pak ore te gjendeshin nen uje. Bulevardi Vlore-Skele ne disa kryqezime te tij ka qene i mbuluar nga uji dhe me veshtiresi serioze ne levizje ne disa pika si te lagjja Isa Boletini te porti detar ish-shkolla e Naftes etj.
Shiu me intensitet te larte ka vazhduar per me shume se dy ore dhe pervec lagjeve te pushtuara nga uji ka pasur probleme edhe ne zona te tjera te qytetit per shkak te efekteve ne rrjetin e energjise elektrike. Kjo situate i ka gjetur te papergatitur punonjesit e ndermarrjes komunale te cilet pas renies se intensitetit te shiut kane nderhyre menjehere per te hapur kapaket e pusetave si dhe per ti pastruar ato.
Shume banore te qytetit u ankuan dje se uji kishte hyre edhe neper banesa. Ne disa lagje niveli i ujit brenda shtepive te kateve te para arrinte deri ne 20 cm.
Kjo nuk eshte hera e pare qe Vlora gjendet ne nje situate te tille pasi disa lagje te qytetit permbyten sa here qe reshjet e shiut zgjasin per me shume se dy ore pa nderprerje. Sipas specialisteve shkaku kryesor i ketyre permbytjeve eshte rruga Transballkanike e cila eshte ne nivel me te larte se rruget ekzistuese te qytetit dhe ben qe uji te mos rrjedhe drejt hidrovoreve te qytetit.
Si pasoje e reshjeve te dendura te shiut si dhe motit te keq energjia elektrike ka munguar qe prej mbremjes se djeshme dhe deri ne oret e mesdites ne me shume se gjysmen e qytetit. Edhe fshatrat e afert te Vlores si Narta e Zverneci kane qene nen mbreterine e erresires qe prej mbremjes se te shtunes. Per kete shkak edhe antenat transmetuese te sinjalit televiziv te Vlores nuk kane funksionuar.
Nderkohe autoritetet e Portit detar te Vlores kane dhene urdher qe asnje mjet lundrues te mos dilte ne det dje per shkak te detit te keq si dhe ererave te cilat arrinin shpejtesine deri ne 15 m/s jashte gjirit te Vlores.
Pervec trageteve te linjes Vlore-Brindisi te cilet nuk kane pasur probleme asnje mjet tjeter nuk ka dale nga porti dhe ato tre anije te transportit te mallrave te cilat ishin te ankoruara ne mol kane dale ne rade.
Situata ka ardhur duke u permiresuar ne oret e pasdites kur uji qe mbuloi rruget u largua dhe furnizimi me energji elektrike u stabilizua.