E zë korrenti, humb jetën 52-vjeçari

Bulqizë- Ish kryetari i komunës Gjuricë në Bulqizë ka gjetur vdekjen, pas rënies në kontakt me korentin.

Sipas burimeve zyrtare të policisë, Bektash Balla, 52-vjeç, baba i dy fëmijëve, punonte si përgjegjës i gjendjes civile në këtë komunë dhe banonte në fshatin Lulbalesh të Bulqizës.

Ai humbi jetën duke hequr degën e një peme që kishte rënë në korent afër shtëpisë së tij. Por duke kryer këtë punë ai ka rënë në kontakt me korrentin, pasi shkopi që përdori ishte i lagur dhe ka përcjellë rrymën elektrike.

Ai është përplasur përtoke pa ndjenja, duke rënë nga lartësia dhe të afërmit nuk kanë pasur asnjë mundësi për ta ndihmuar.