Italia injoron rezolutën e PE

Italia ka deklaruar sot se nuk do ta përfillë rezolutën e djeshme të Parlamentit Evropian, që kërkon hedhjen poshtë të një plani të debatueshëm për të marrë shenjat e gishtërinjëve të popullësisë rome në vend.

Zyrtarët italianë i hodhën poshtë akuzat e Bashkimit Evropian për racizëm dhe thanë se do të vazhdojnë planet e tyre.

Deputetët evropianë dënuan politikën e re italiane, duke e quajtur atë një diskriminim të drejtpërdrejtë. Ata kërkuan që Italia të ndalojë marrjen e shenjave të gishtave derisa të përfundojë një hetim nga Komisioni Evropian, organi ekzekutiv i BE-së.

Zyrtarët italianë mbrojnë vendimin e tyre si një mënyrë për të mbrojtur fëmijët nga trafiku i qenieve njerëzore dhe kthimi i tyre në lypsarë.

Grupe italiane të të drejtave të njeriut dhe zyrtarët e Kishës Katolike i kanë dënuar planet. Ndërkohë që shumë italianë fajësojnë romët për krime të kryera nga imigrantët. (VOA)