“EULEX-i, neutral ndaj statusit”

 

“EULEX-i mund të vendoset në Kosovë vetëm duke iu përmbajtur neutralitetit të statusit të Kosovës, përndryshe është i pajustifikuar synimi i EULEX-it për të nisur së funksionuari në Kosovë”, ka cituar me anë të një letre Sekretari i Përgjithshëm i Kombeve të Bashkuara, Ban Ki Mun drejtuar përfaqësuesit të lartë të Bashkimit Evropian, Havier Solana. Gazeta prishtinase “Zëri” pohon se posedon një kopje të kësaj letre, ku thuhet se Ban Ki Mun i kujton Solanës pikat kryesore të procesit të rikonfigurimit të UNMIK-ut.