“Vitin tjetër Kosova në FMN, BB”

 

Në pranverë të vitit të ardhshëm Kosova do të anëtarësohet në Fondin Monetar Ndërkombëtar dhe Bankën Botërore. Kështu ka deklaruar ministri i Ekonomisë dhe Financave në Kosovë, Ahmet Shala, në një konferencë për mediat bashkë me guvernatorin e Bankës Qendrore të Kosovës, Hashim Rexhepi. Ata sapo janë kthyer nga vizita në Uashington, ku morën pjesë në punimet e konferencës vjetore të FMN-së dhe Bankës Botërore në rolin e vëzhguesit, të cilën e vlerësuan “historike” për Kosovën.