"Eagle Mobile", gati provat teknike
Kompania e trete e sherbimeve celulare, "Eagle Mobile" po ben pergatitjet e fundit teknike per fillimin e sherbimeve celulare ne fillim te muajit mars. Burimet brenda kompanise pohojne se aktualisht jane duke u vendosur antenat ne zonen Tirane-Durres, ku fillimisht pritet te ofrohen sherbimet celulare ne prefiksin 067... Provat teknike do te zhvillohen gjate muajit shkurt. E gjithe infrastruktura teknike po ngrihet nga kompania "Huawei Technologies". Infrastrukturen teknike e nevojshme per sistemin 3G pati nje vlere investimi prej 26 milione euro. Presidenti i kompanise "Huawei Technologies", Tian Feng, eshte shprehur se konsumatori shqiptar do te ngelet shume i kenaqur nga sherbimet dhe cilesia e larte, te cilat do te ofroje "Eagle Mobile". Kompania e trete celulare ne vend, me privatizimin e Albtelekomit i kaloi shoqerise se telekomunikacionit CETEL, e cila eshte pjese e grupit Calik Holding. Tashme 76 per qind te aksioneve i zoteron konsorciumi i perbere nga Grupi CALIK dhe Turk Telekom. Ndersa 80 per qind te aksioneve brenda konsorciumit, te quajtur me emrin e ri "CT Telekom", zoterohen nga CETEL dhe 20 per qind nga Telekomi Turk.
Sakaq rritja e shpejte e sektorit te telefonise celulare eshte ne kontrast me rritjen me ritme te uleta te numrit te perdoruesve te telefonise fikse. Ne fund te vitit 2007, numri i perdoruesve te telefonise celulare eshte 8 here me i larte se numri i perdoruesve te telefonise fikse. Pas viteve 1990, me ndryshimin e sistemeve dhe futjen ne ekonomine e tregut, telefonia mori dimensione te reja. Rrjeti fiks u dixhitalizua dhe u instaluan fibrat optike. Po keshtu, u krijua nga shteti kompania e pare e sherbimeve celulare AMC, e cila fillimisht kishte 20 mije abonente. Pas vitit 2000, ajo u privatizua, nderkohe qe u licencua edhe operatori i dyte celular, Vodafon Albania. Sot numri i abonenteve arriti ne 1,9 milione banore.