Projektligji i ri per telekomunikacionet synon orientimin e tarifave ne kosto
Projektligji i ri i hartuar nga Ministria e Puneve Publike, Transportit dhe Telekomunikacionit synon orientimin e tarifave ne kosto dhe shmangien e perdorimin e tarifave abuzive, shperdoruese dhe anti-konkurruese. Sipas burimeve te MPPTT, ne projektligj percaktohet, se tarifat e sherbimeve te komunikimeve elektronike publike vendosen nga sipermarresit e rrjeteve dhe sherbimeve te komunikimeve elektronike publike. Shprehimisht thuhet se ne percaktimin e tyre, sipermarresit duhet te synojne orientimin e tarifave ne kosto dhe ne cdo rast duhet te shmangin perdorimin e tarifave abuzive, shperdoruese dhe anti-konkurruese. Sipas burimeve te mesiperme, qellimi i rregullimit te tarifave eshte parandalimi i sjelljeve anti-konkurruese, dhe i diskriminimit te perdoruesve fundore dhe konkurruesve ne treg, qe mund te rezultojne nga veprimet e sipermarresit ne tarifat e tij.
Ne kete projektligj, parashikohet qe sipermarresi qe ofron sherbime te komunikimeve elektronike te vlefshme per publikun, do te publikoje tarifat e sherbimeve dhe te mundesoje informimin e publikut edhe nepermjet aksesit ne distance, te njoftoje nepermjet mjeteve te informimit publik cdo ndryshim ne tarifat e sherbimeve, jo me pak se 15 dite perpara hyrjes ne fuqi te tarifave te reja. Gjithashtu percaktohet, se ne rregullimin e tarifave ne fushen e komunikimeve elektronike, Autoriteti i Komunikimeve Elektronike (AKE), i cili eshte edhe organi rregullator ka te drejte te aplikoje rregullimin e tarifave nepermjet nje vendimi, per sherbimet e perfshira ne skemen e sherbimit. AKE do te monitoroje dhe vleresoje ecurine e niveleve te tarifave ne treg, ne menyre qe ato te jene te bazuara ne kosto.
Ne projektligjin e telekomunikacioneve parashikohet qe nese nga analiza e tregut te kryer per tregun perkates te aksesit dhe interkoneksionit, eshte arritur ne perfundimin se ne kete treg nuk ka konkurrence efektive, qe nenkupton se ne treg jane aplikuar tarifa te larta te paarsyeshme ose tarifa te uleta te paarsyeshme ne dem te perdoruesve fundore, dhe nese masat e parashikuara nuk mund ta normalizojne gjendjen, AKE ka te drejte te zbatoje rregullimin e tarifes ne kete treg perkates, duke nxjerre vendimin per rregullimin e tarifave.
AKE gjithashtu do te vleresoje te dhenat me te fundit per praktiken me te mire te vendeve te BE, tarifat mesatare te vendeve te BE, tarifat e vendeve me zhvillim te ngjashem me ate te Republikes se Shqiperise, raportet ndermjet tarifave te shumices dhe pakices, fitimin e realizuar nga sipermarresit e tjere te telekomunikacioneve ne vendet e BE dhe ne vendet me zhvillim te ngjashem me ate te vendit tone.