“Eagle Mobile” shtrin rrjetin ne te gjithe vendin, gati tarifat e reja

Qe nga dita e djeshme, kompania e trete e sherbimeve celulare, Eagle Mobile, mbulon me shtrirje te sinjalit 95 per qind te territorit te vendit. Me kete rast, drejtori i Pergjithshem i Kompanise, Ali Taskin, tha se gjate dy javeve ne vijim do te prezantohen tarifa te reja komunikimi me te uleta. Ai tha se "oferta me e fundit e Eagle Mobile per kategorine biznes, “Proring” eshte nje kombinim i 4 planeve tarifore te dizenjuara enkas per shoqerite e biznesit, si dhe per familjaret, miqte apo te afermit e tyre”. Sipas tij, “Proring” ofron komunikim falas me te gjithe pjesetaret e grupit te biznesit, apo anetare te familjes, nderkohe qe aplikon tarifat me te uleta ne treg, dhe ofron E-mail Mobil, Internet Mobil (EDGE), APN korporative, Televizion Mobil, POS Mobil te gjitha keto kundrejt nje pagese modeste mujore fikse. Proring 30, 60 dhe Proring 600, jane tre programe tarifore te dizenjuar enkas per familjaret, miqte apo te afermit e anetareve te programit tarifor Proring Unlimited. Duke zgjedhur njerin nga keto programe, apo duke bere nje kombinim te tyre, anetaret e Proring Unlimited do te kene mundesine e komunikimit falas me te zgjedhurit e tyre, pa pasur nevojen e kryerjes se ndonje pagese tjeter shtese. Nderkohe, “Proring Unlimited” eshte programi me i favorshem per te gjitha shoqerite e biznesit. Ky program parashikon nje pagese modeste fikse mujore dhe nje komunikim pa limit falas jo vetem brenda shoqerise, por edhe me anetaret e shoqerive te tjera, qe bejne pjese ne kete familje programesh Proring.