Eda Jazexhiu: Ka gjithmone te reja per ne

Kushte pune, aparatura te sofistikuara dhe prodhime te viteve te fundit, por edhe specializimi i vazhdueshem i mjekeve ishin ato c'ka mjeket shqiptare kane konstatuar fillimisht ne spitalet italiane. Mjekja e Eda Jazexhiu (Postoli) e cila ka qene nder te parat, qe ka perfituar nga bashkepunimi mes dy klubeve Rotarane dhe tregon per ate c'ka perfituar gjate trajnimit. Sipas saj, kualifikimi i terapise intensive, bebet nen peshe dhe ato me probleme, kane qene leksionet kyce qe jane zhvilluar gjate 6 javeve ne vendin fqinje. "Nje tjeter pike e rendesishme qe ne kemi trajtuar gjate leksioneve te ndjekura ne vendin fqinje, ka qene edhe menyra se si te permiresojme sherbimin e ndjekjes se femijes pas lindjes, kur eshte me probleme" ka theksuar mjekja Jazexhiu. Sipas saj, ne vendin tone eshte i nevojshem permiresimi i teknologjise, pasi eshte nje nga faktoret kryesore, qe ndikon ne permiresimin e shendetit te femijes. Por edhe gjate trajnimit ne vendin tone, mjeket kane shkembyer mendime per kurimin e pacienteve te vegjel. Ne disa raste pervec leksioneve u demonstruan edhe veprimet praktike, qe ndiqen gjate vizitave te femijeve te porsa lidhur dhe per marrjen e vendimeve per kurimin e tyre, duke shqyrtuar rastet me te veshtira qe gjenin ne spital.