Edhe në Kosovë priten ndryshime në qeveri

PRISHTINE- Dorëheqja e zëvendëskryeministrit dhe ministrit të Drejtësisë në Qeverinë e Kosovës, Hajredin Kuçi, nga këto dy poste qeveritare pritet të sjellë ndryshime në qeveri, një paralajmërim i dikurshëm nga kryeministri Hashim Thaçi, thekson Zëri.

Gazeta citon në numrin e saj të sotëm burime të të afërta me qeverinë, të cilat nënvizojnë se së shpejti do të ndryshojë përbërja e kabinetit qeveritar, ndërsa, gjasat janë minimale që në ndonjërin prej dikastereve të vijë tashmë ish-ministri Kuçi.

Ky person, që et në kushte anonimiteti, thekson se brendapërbrenda Partisë Demokratike të Kosovës (PDK) është duke qarkulluar ideja që në kuadër të riformatizimit, në përbërjen e re të qeverisë të jenë të përfshirë edhe disa nga njerëzit e fuqishëm të PDK-së.

Njëri prej këtyre njerëzve të PDKsë do ta marrë Ministrinë e Drejtësisë, e tjetri ka gjasa që ta marrë atë të Punëve të Brendshme. Por, e tëra kjo është vetëm si ide, sepse ende nuk kas asgjë konkrete, ka thënë burimi për Zëri-n.