Edhe tri marrëveshje riatdhesimi

Kosova nënshkroi të enjten marrëveshje riatdhesimi me tri vende anëtare të Bashkimit Evropian - Belgjikën, Holandën dhe Luksemburgun.

Marrëveshjet janë nënshkruar në Bruksel ndërmjet ministrit të Brendshëm, Bajram Rexhepi dhe përfaqësuesve të këtyre vendeve të Beneluksit.

Marrëveshjet parashohin pranimin dhe riatdhesimin e kosovarëve dhe synon lehtësimin e procedurave të dëbimit nga këto shtete.

Marrëveshjet e nënshkruara janë pjesë e kushteve të shumta që Kosova duhet që të plotësojë për heqjen e regjimit të vizave.