Ekspertiza: Viktor Gushi është i përgjegjshëm mendërisht

Viktor Gushi është në gjendje mendore normale dhe i përgjegjshëm para ligjit. Ky është përfundimi në të cilin kanë mbërritur ekspertët e Shërbimit të Provës dhe të Mjekësisë Ligjore, raporton Panorama.

Gushi akuzohet për dy vrasje, tre plagosje dhe 15 grabitje bankash dhe filialesh të Postës apo Ujësjellësit. Kodi i Procedurës Penale parashikon shmangien nga përgjegjësia në rast se personi rezulton i papërgjegjshëm. Po ashtu raportet mjekësore arrijnë në përfundimin se Gushi nuk ka qenë nën efektin e drogës në momentin që ka kryer grabitjen e degës së NBG.