Elbasan, bora bllokon disa komuna

Burime nga Shtabi i Emergjencave pranë Prefekturës së Elbasanit, thanë se në komunën Stërblevë, Peshkopi, Polis dhe Gur Shpat, rrugët janë të pakalueshme nga dëbora, ndërkohë që po punohet për hapjen e tyre me mjete të specializuara.

Me probleme paraqitet edhe rruga nacionale Elbasan-Gramsh në vendin e quajtur ish-Hidrocentrali i Banjës pasi nga reshjet e shumta te shiut është rritur niveli i ujit i lumit Devoll, që kalon në këtë zonë dhe lëvizja e mjeteve bëhet nga rruga e Llixhës që lidh aksin rrugor Gramsh-Elbasan.