Elbasan, gratë protestë kundër dhunës

• ELBASAN – Gratë e Elbasanit e kanë organizuar përvjetorin e 100-të të ditës së tyre në formë proteste në qendër të qytetit.Manifestimi është inicuar nga “Forumi i Gruas Elbasan”, e cila ka gjetur një mënyrë origjinale për të sensibilizuar opinionin publik për të drejtat e grave dhe luftën kundër dhunës ndaj tyre. Drejtoresha e forumit, Shpresa Banja ka kërkuar që me anë të kësaj proteste në këtë ditë feste të tërhiqet vëmendja e shoqërisë shqiptare që vazhdon të dëgjojë për raste dhune në familjet tona. “Pikërisht në këtë shoqëri ku akoma femra diskriminohet dhe ku ka dhe nga ato të cilat nuk e festojnë sot këtë ditë. Është një ditë që në vend që të mblidhen për të kërkuar të drejtat e tyre ato festojnë, duke harruar një pjesë tonën që dhunohet”, u shpreh Banja. Siaps të dhënave të shoqatës në mbrojtje të grave, gjatë vitit 2007, në Elbasan 659 gra denoncuan burrat për ushtrim dhune ndaj tyre. a.k