Eliminimi, Argjentina shkarkon trajnerin Serxhio Batista
Serxhio Batista nuk do të jetë më trajner i Argjentinës.
Një lajm i tillë kishte ditë që përflitej, por zyrtarizimi ka ardhur ditën e martë, pasi Federata Argjentinase vendosi të prishë në mënyrë të njëanshme kontratën me teknikun. “Komiteti Ekzekutiv vendosi të prishë kontratën me Batistën”, shpjegoi zëdhënësi i Federatës Argjentinase Ernesto Bialo.
Presidenti Grondona e pati konfirmuar atë në krye të ekipit edhe pas eliminimit nga Coppa America nga Uruguaji, por popullariteti i Batistës ra në mënyrë të ndjeshme në ditët në vijim.
Në sondazhet e bërë nga televizionet, rreth 90 % e njerëzve kërkonin largimin e trajnerit.
Batista e mori vesh lajmin në shtëpinë e tij, pas një mbledhjeje 8 orëshe të drejtuesve të Federatës. “Nuk e kemi pushuar Batistën, thjesh kemi vendosur të prishim kontratën”, sqaroi më tej zëdhënësi Bialo.
Ndërkohë, Argjentina ka anuluar miqësoren e 10 gushtit ndaj Rumanisë.
Vetë trajneri Batista ka deklaruar se nuk e priste një vendim të tillë. “Eliminimi më djeg shumë, siç i djeg çdo argjentinasi, por them se një trajner duhet lënë të vazhdojë punën”, u shpreh Batista pas mësimit të lajmit.
Përsa u përket pasuesve, emri më i lakuar në shtyp është ai i ish-trajnerit të Estudiantesit Alehandro Sabela, ndihmësi i Pasarelës në krye të kombëtares në vitet 1994-1998.
Emra të tjera janë ata të Gerardo Martinos, trajnerit të Paraguajit, Karlos Biankit dhe Diego Simeones.
Në lidhje me rikthimin e Maradonës, drejtori teknik i Federatës Karlos Bilardo ka deklaruar shkurt: “Maradona është një kapitull i vdekur dhe i varrosur në ekipin kombëtar”.
(a.h/A.LATIFI/BalkanWeb)
Një lajm i tillë kishte ditë që përflitej, por zyrtarizimi ka ardhur ditën e martë, pasi Federata Argjentinase vendosi të prishë në mënyrë të njëanshme kontratën me teknikun. “Komiteti Ekzekutiv vendosi të prishë kontratën me Batistën”, shpjegoi zëdhënësi i Federatës Argjentinase Ernesto Bialo.
Presidenti Grondona e pati konfirmuar atë në krye të ekipit edhe pas eliminimit nga Coppa America nga Uruguaji, por popullariteti i Batistës ra në mënyrë të ndjeshme në ditët në vijim.
Në sondazhet e bërë nga televizionet, rreth 90 % e njerëzve kërkonin largimin e trajnerit.
Batista e mori vesh lajmin në shtëpinë e tij, pas një mbledhjeje 8 orëshe të drejtuesve të Federatës. “Nuk e kemi pushuar Batistën, thjesh kemi vendosur të prishim kontratën”, sqaroi më tej zëdhënësi Bialo.
Ndërkohë, Argjentina ka anuluar miqësoren e 10 gushtit ndaj Rumanisë.
Vetë trajneri Batista ka deklaruar se nuk e priste një vendim të tillë. “Eliminimi më djeg shumë, siç i djeg çdo argjentinasi, por them se një trajner duhet lënë të vazhdojë punën”, u shpreh Batista pas mësimit të lajmit.
Përsa u përket pasuesve, emri më i lakuar në shtyp është ai i ish-trajnerit të Estudiantesit Alehandro Sabela, ndihmësi i Pasarelës në krye të kombëtares në vitet 1994-1998.
Emra të tjera janë ata të Gerardo Martinos, trajnerit të Paraguajit, Karlos Biankit dhe Diego Simeones.
Në lidhje me rikthimin e Maradonës, drejtori teknik i Federatës Karlos Bilardo ka deklaruar shkurt: “Maradona është një kapitull i vdekur dhe i varrosur në ekipin kombëtar”.
(a.h/A.LATIFI/BalkanWeb)