Elvis Sina, në janar rikthimi te “nona” Tiranë

Albania-Sport (AS)- Aventura e Elvis Sinës, lojtarit tiranas që nga fillimi i këtij sezoni aktivizohet në radhët e kampionit në fuqi, Elbasani, duket se ka marrë fund. Mesfushori i njohur, 28-vjecari Sina ish-kontigjent i Kombëtares shqiptare (premiera e tij kundër Zvicrës në vitin 2002, kur trajner ishte italiani Xhuzepe Dosena), i konsideruar me të drejtë nga media si "pistoni bardheblu", nga burime të mirëkonfirmuara, do të rikthehet gjatë merkatos së janarit në radhët e ekipit me të cilin u shpall gjashtë herë kampion. Edhe Ansi Agolli, që përfundoi aventurën zviceriane me skuadrën e Luzern do të jetë pranë ekipit "mëmë", Tiranës.