Emërimi, Meta, urime nga homologët e Kuvajtit dhe Tunizisë

Mohamad Sabah Alsalem Alsabah, zëvendëskryeministër dhe ministër i Jashtëm i Shtetit të Kuvajtit dhe Abdelwahab Abdallah, ministri i Punëve të Jashtme të Republikës së Tunizisë, uruan dje homologun shqiptar, Ilir Meta, për detyrën e re në ekzekutiv. Diplomati i Kuvajtit përmes mesazhit të urimit ftoi z. Meta për një vizitë në Kuvajt për forcimin e mëtejshëm të marrëdhënieve të shkëlqyera midis dy qeverive dhe popujve miq, kurse homologu i Tunizisë i shkruan Metës: “Me rastin e emërimit tuaj në postin e zv.kryeministrit dhe të ministrit të Punëve të Jashtme kam kënaqësinë të dërgoj për Ju Shkëlqesi përshëndetjet e mia të ngrohta si dhe urimet më të sinqerta për shëndet të plotë dhe sukses në përgjegjësitë tuaja të larta. Përfitoj nga ky rast i lumtur që të ritheksoj vendosmërinë tonë të patundur për të vazhduar të punojmë së bashku në të mirë të zhvillimit të marrëdhënieve miqësore dhe bashkëpunimit mes vendeve tona vëllezër”.