Emigrantet, "peng" i burokracive

Kalvari i vuajtjeve te emigranteve nuk njeh kufij. Jo vetem se duhet te udhetojne deri ne 12 ore per t'u rikthyer ne atdhe prane familjeve te tyre, por u duhet te presin radhet e gjata qe krijohen per shkak te burokracive te doganiereve greke per arsye nga me te ndryshmet. Edhe kete vit po perseritet i njejti refren per radhet kilometrike dhe vonesat e procedurave ne pikat e kalimit kufitar ne Jug te vendit. Dy ditet e fundit ne doganat e Kakavijes, Kapshtices, apo portet Durres dhe Vlore, te kthyerve u jane dashur deri ne tre apo kater ore qe te perfundonin procedurat. Nje alarm i rreme per bombe mengjesin e se premtes mbajti "peng" rreth 5 mije emigrante ne Kakavije, por jemi mesuar te degjojme edhe refrene te tilla si; u prish kompjuteri i pales greke, mungojne sportelet, apo se ishte dite feste ne vendin fqinj. Dhe kjo dukuri nuk dihet se kur do te marre fund, ndersa autoritetet dy paleshe shkembejne deklarata miqesie e bashkepunimi per te shmangur vonesat dhe burokracite. Ndersa ne Kakavije dogana shqiptare punon me tete sportele ne hyrje-dalje, koleget e tyre greke nuk kane me shume se kater sportele. Megjithese dihet se fluksi me madh i kthimeve jane muajt e veres, gjate Gushtit, Pashket ne pranvere dhe Viti i Ri, perseri autoritetet nuk kane ditur t'i zgjidhin keto ngerce nepermjet shtimit te sporteleve. Asnje mase paraprake nuk merret nga zyrtaret e vendit fqinj per te lehtesuar procedurat dhe shmangur lajmet qe jane bere rutine ne media nen titullin "radhe te gjata ne kufi". Procedurat e perpunimit lene per te deshiruar, ndersa mijera persona presin qe te verifikohen vulat, vizat apo dokumentet ne kompjutera. Jo pak here kompjuteri i doganes greke eshte prishur dhe pasoja i kane vuajtur emigrantet shqiptare. Sportelet e pamjaftueshme ne pikat kufitare jane nje tjeter peripeci e shqiptareve qe nen vapen e gushtit u duhet te presin ne makinat e tyre te mbuluara me peshqire apo tesha te tjera qe te mbrohen nga rrezet e diellit. Dhe ky problem qe mund te zgjidhet fare thjesht me nje zbatim te urdhrit per shtimin e tyre, perseritet per cdo vit. Nderprerjet e punes shpesh jane artificiale nga doganieret greke dhe se fundi, emigrantet kthehen te gjithe ne te njejten kohe, duke bere qe fluksi te jete i madh dhe mbingarkesa ne dogane e pashmangshme.