Emigrantet "pushtojne" zyren e prefektit, ankesa per pasaportat

BERAT- Emigrantet e pakenaqur i "zene" deren prefektit te Beratit. Shkak eshte bere vonesa ne nxjerrjen e pasaportave biometrike pas aplikimit dhe mos kthimi ne vendet e punes ne kohe. Kane qene mbi 200 persona, pjesa me e madhe e te cileve emigrante, qe mengjesin e dites se djeshme kane tubuar para institucionit te prefektit ne Berat, duke kerkuar ndihme nga kreu i qeverisjes vendore. Pasi kane pritur para deres kryesore per minuta te tera, duke sfiduar efektivet e policise, te gjithe kane ngjitur shkallet e prefektures ne katin e dyte, duke "pushtuar" institucionin dhe krijuar nje gjendje alarmi. I gjendur ne zyren e tij dhe i befasuar, prefekti Kostandin Lefto nuk eshte konfliktuar me ta, duke pranuar te bisedonte per shqetesimin qe kishin. Protestuesit i kerkuan prefektit qe te nderhynte per te zgjidhur problemin e pasaportave biometrike, pasi u rrezikohej vendi i punes ne Greqi dhe Itali. Duke mbajtur dokumente ne duar ata sqaruan se prej dy muajsh kishin aplikuar per pasaporta dhe ende nuk i kishin terhequr nga komisariatet perkatese ne Berat, Skrapar apo Kucove. Madje ata kritikuan numrin e paket te punonjesve qe merren me pasaportat biometrike. Pakenaqesi ka pasur edhe per policine, qe nuk mban rregull dhe nderhyn per te respektuar radhen e aplikuesve. Protestuesit kerkuan shtimin e sporteleve dhe shpejtimin e punes per nxjerrjen e dokumentit te identifikimit. Prefekti Lefto ka siguruar tubuesit se do te nderhyje personalisht per te zgjidhur kete problem te krijuar.

Policia
Drejtori i Policise se Beratit, Altin Qato, eshte vene ne dijeni per shqetesimin e emigranteve, duke urdheruar vartesit qe te marrin masat urgjente per te garantuar rendin, qetesine publike dhe radhen prane sporteleve, me qellim qe te mos lejohen persona jashte radhes ne aplikime.