Emigrantët që punojnë në bujqësi do të paguhen me kuponë

Me kuponë do të paguhen të gjithë emigrantët dhe vendasit që punojnë në bujqësi dhe ata që punojnë në shërbime shtëpiake. Masa e marrë, përsa i përket siguracionit të mijëra njerëzve që ofrojnë shërbime në shtëpi (kujdesen për fëmijë, të moshuar etj) u publikua dy ditë më parë nga Ministria e Punës dhe çështjeve Sociale.

Rregullat e reja janë apostafat, për njerëzit që ofrojnë shërbime në shtëpi(kujdestarë fëmijësh, kopshtarë etj), por edhe punëtorë bujqësie. Qëllimi i qeverisë greke është që të gjitha këto kategori punëtorësh të sigurohen që të shtohen të ardhurat e Sigurimeve Shoqërore deri në 300 me 350 milionë në vit.

Personi që ka punësuar një kujdestare për fëmijën e tij duhet të shkojë në një KEP, bankë, IKA, postë dhe të marrë një bllok. Në çdo fletë të bllokut, shkruhet shuma e pagesës së punëtorit dhe përqindja që do i mbahet. çdo ditë do paguajë kujdestaren duke plotësuar të dhënat sipas pasaportës dhe më pas kujdestarja do të paguhet nga IKA.

Personi do të paraqitet tek IKA me fletën e bllokut dhe pasaportën. Do të mbahet shuma që është caktuar për siguracion dhe pjesën tjetër e merr në dorë.

Përsa i përket atyre që punojnë në bujqësi, duhet të paguajnë çdo vit 450 euro. Kur të plotësohet shuma prej 450 euro,nuk do të ketë zbritje 3 euro,por do marri 40. Punëdhënësit që do të marrin bllokun e kuponëve qeveria do lehtësohen nga taksat vjetore. Saktësisht, shuma që një punëdhënës do të deklarojë se e ka shpenzuar për punët e tij bujqësore do të fshihet si e ardhur vjetore.