Energji per emergjenca
Nje kompani britanike i paraqiti dje kryeministrit Sali Berisha projektin e furnizimit me energji elektrike ne rastet e emergjencave. Perfaqesues te kompanise "Aggreko" u shoqeruan ne takim nga ambasadori britanik Frejzer Uillson, ne detyre ne Tirane qe prej 27 nentorit 2006. Drejtori i Pergjithshem i kompansise "Aggreko", Bill Kerrik (Carrick) dhe perfaqesues te partnereve te saj shqiptare, te "Amadeus Group" paraqiten projektin te kryeministri, duke pasur pervojen 45 vjecare (britaniket) ne fushen e furnizimit me energji, ofruar nepermjet sistemit te qiradhenies se pajisjeve te tipit gjenerator. Projekti, sipas kryeministrise, bazohet ne dhenien me qira te grupeve te gjeneratoreve te levizshem, energjia e te cileve shperndahet ne rrjet sipas kerkesave. "Kjo kompani e ka shtrire aktivitetin e saj ne vende te ndryshme te botes dhe ne rajon"- njoftoi kryeministria.