Energjia, fillon studimi i kapaciteteve te lumenjve
Nje grup ekspertesh te kompanise franceze Soregah nisen punen per projektin e studimit te fizibilitetit ne vleresimin e potencialeve hidroenergjetike te lumenjve tona. Ky eshte hapi i pare konkret ne identifikimin e sajteve me te pershtatshme per ndertimin ne te ardhmen te veprave energjetike. Studimi do te fokusohet ne pellgjet ujembledhese te lumit Vjose, Drin dhe Seman. Ky projekt studimi, per gjetjen dhe venien ne eficence te potencialeve hidrike perben nje hap te rendesishem ne fushen e ndertimit te burimeve energjetike. Ne Shqiperi aktualisht vetem 35 per qind e rezervave potenciale hidroenergjetike te vendit shfrytezohen. Ne objektivin e ketij studimi eshte analizimi i kushteve hidrologjike, meteorologjike, gjeologjike dhe sizmike. Po keshtu rendesie do t'i jepet edhe vleresimit te impaktit ambiental dhe zhvillimit social te ketyre zonave me qellim qe te identifikoje kapacitetet gjeneruese. Projekti do te kushtoje 550 mije dollare dhe financohet me kredi te Bankes Boterore. Aktualisht, qeveria shqiptare ka ndermarre nje sere nismash per shfrytezimin ne maksimum te kapaciteteve hidrike te vendit. Vetem pak dite me pare u firmos dhenia me koncesion e Hidrocentralit te Ashtes, nderkohe qe vazhdojne punimet edhe per nje sere veprash te tjera energjetike. Gjithashtu, po vazhdojne procedurat per dhenien me koncesion te HEC-eve lokale dhe sipas Ministrise se Energjetikes jane rreth 25 te tille qe pritet te pajisen me dokumentacion dhe te fillojne prodhimin e energjise.