Energjia mungon 11 ore ne dite

Prej dy ditësh qytetarët e Fierit po përballen jo vetëm me temperaturat e ulëta nën zero, por dhe me mungesën e theksuar të energjisë elektrike. Çdo ditë qytetarët vuajnë mungesën e energjisë mesatarisht 11 orë në ditë, duke kthyer ethet e krizës edhe tani, kur prodhimi i energjisë deklarohet se është në nivele maksimale. Dje ka qenë e pamundur të kontaktohej me përfaqësuesit e “CEZ Shpërndarja” në Fier, ndërkohë që ish punonjës të kësaj kompanie aludojnë se nuk bëhet fjalë për defekte, por për kufizime që synojnë të ulin humbjet në rrjet.