Erozioni, sistem modern per te mbrojtur token
Te ndalohet dhe pezullohet cdo leje apo aktivitet ne derdhjen e lumenjve, qe ndikon negativisht ne problemin e erozionit. Ne prezantimin e djeshem te studimit, "Per gjendjen e erozionit detar dhe percaktimin e masave per mbrojtjen ndaj tij", te hartuar nga grupi i punes, i ngritur per kete qellim, sipas nje urdhri te kryeministrit muajin e kaluar, Berisha kerkoi nga Ministria e Mjedisit te parashikoje me perparesi absolute, pyllezimin sa me intensiv te vijes bregdetare. "Eshte e domosdoshme qe me urgjencen me te madhe te bllokohet cdo veprimtari kercenuese per shtreterit e lumenjve qe nuk jane te paket ne kete zone, nga Buna, Mati, Ishmi, Erzeni, Vjosa, Shkumbini, pra derdhjet ne kete vije bregdetare te lumenjve jane te shumta. Sistemet e mbrojtjes jo vetem qe nuk ekzistojne por jane instaluar sistemet e shkaterrimit", kerkoi kryeministri. Sipas tij, ne bashkepunim me komunat, me qarqet duhet te percaktohet perparesi te madhe mbjelljen, kultivimin e drureve, te cilet presin kete fenomen. Kreu i qeverise kerkoi qe te percaktohen ne kete plan veprimi, zonat qe do nderhyjne me perparesi. "Duhet te percaktohen mjetet me te cilat duhet te nderhyme. U be nje studim shume i mire. Tani le ta mbajme te mbikeqyrur me metodat me moderne vijen bregdetare. Te vendosim ne te shfrytezojme te dhenat me precize satelitore, apo filmimet periodike te tjera, por ne pas ketij studimi duhet te disponojme banken e te dhenave me te sakta, te ndryshimeve, te problematikes qe krijon erozioni ne brigjet tona", theksoi Berisha. Sipas tij ashtu sic eshte percaktuar ne studim, duhet te nise zbatimi i projekteve fillimisht ne zonat me te kercenuara dhe te behet kthese ne kete drejtim. "Erozioni eshte nje kanceri me i eger i tokes. Grupi i punes u krijua per te trajtuar problematiken e madhe te erozionit ne bregun Adriatik te vendit. Mendoj se ky grup se ka bere nje pune shume serioze, me ndarjen ne territore te caktuara, nje ndarje kjo e domosdoshme edhe per rekomandimet specifike, por zoterinj te pranishem ne kete takim, studimi eshte nje thirrje emergjente", vijoi ai.