"Ligji per faljen, konsulte me PS dhe per Kodin Penal"

Pavaresisht perplasjeve te ashpra me opoziten per ceshtjen e transparences zgjedhore, kryeministri Sali Berisha kerkoi dje nga deputetet e tij, qe te konsultohen gjeresisht me opoziten per projektligjin "Per faljen". Ne kete ligj, percaktohet qe ne procesin e faljes se denimit, te mos perfshihen personat qe kane marre denim te perjetshem. Ceshtje kjo e cila eshte me e diskutueshmja ne komisionet ku po shqyrtohet ligji. "Ne Kodin Penal, i cili pas denimit per jete, ka denim te dyte maksimal 25 vjet, natyrisht kjo nuk mund te behet. Por ne rast se Partia Socialiste, deputetet e saj, bien dakord qe te ndryshoje Kodi Penal dhe afati i denimit maksimal te jete jo 25 vjet, por te jete 61 vjet, sic e ka Britania e Madhe, etj, atehere ne mund te mos bejme perjashtime ne sistemin e faljes por me kusht qe ta ndryshoj paraprakisht, sepse ata qe jane denuar per jete, jane persona qe kane kryer krime nder me te rendat e me te rrezikshmet, dhe drejtesia shqiptare meriton vleresimin me te madh per ato denime qe ka dhene", sugjeroi kryeministri. Ai shpjegoi se qeveria vleresoi ndryshe por duke qene se kjo ceshtje eshte e diskutueshme, atehere ai kerkoi nga kryetari i Komisionit te Ligjeve, qe te beje nje diskutim me perfaqesuesit e Partise Socialiste, ne rast se ata bien dakord, te ndryshojme Kodin Penal, te cojme nje "tavan" tjeter, gje e cila per mund te behet sepse nuk eshte kjo tradita diktatoriale, e cila ka qene ose ekzekutim ose 25 vjet. "Tani ne nuk kemi ekzekutim, kemi denim perjete, e kemi hequr denimin me vdekje, kemi bere shume mire. Por mund te shihet, ne menyre qe te qendrojme plotesisht ne linje me doktrinat", tha ai.