Etoo shkaterron Verder Bremenin zhbllokohen Mancester dhe Shalke
Interi regjistron fitoren e pare ne kete edicion te Champions League. Zikalterit mposhtin me rezultatin e paster 4-0 Verder Bremenin ndersa heroi i kampioneve te Europes ne fuqi ishte Samuel Etoo. Sulmuesi kamerunas ka zhvilluar nje ndeshje te jashtezakonshme me tri gola te realizuar dhe duke dhene nje asist per Uesli Shnajder. Skuadra e drejtuar nga Rafa Benitez e ka mbyllur praktikisht ndeshjen qe prej pjeses se pare. Etoo hapi serine e golave ne te 21-en ndersa ka dyfishuar rezultatin vetem 6 minuta me pas. Fraksioni i pare i lojes u mbyll me rezultatin 3-0 pas golit te Shnajder ne te 34-en. Vetem 9 minuta perpara fundit te takimit Etoo vulosi kapitullimin e Verderit ndersa i vetmi episod negativ i mbremjes se zikalterve ishte demtimi i Lucios i cili rrezikon supersfiden e se dieles me Juventusin. Ne Grupin A fitore bindese ka arritur edhe Totenhemi perballe Tuentes. Londinezet triumfuan me rezultatin 4-1 me golat e Van der Vart Pavlicenko 2 me 11-metersh dhe Bejl. Edhe pse ka shenuar nje gol ne kete sfide Van der Vart ka qene protagonist negativ ku fillimisht ka gabuar ekzekutimin e nje 11-metershi ndersa ne minuten e 61-te e ka lene skuadren e tij ne inferioritet numerik.
Zhbllokohet Shalke ne Grupin B. Gjermanet mposhten me rezultatin 2-0 Benfiken me golat e Farfan dhe Huntelar ne 17 minutat e fundit te takimit. Ne kete grup Lioni ka regjistruar nje fitore te thjeshte ne fushen e Hapoel Tel-Aviv sfida ne Izrael u mbyll 3-1 ne favor te francezeve qe tashme kane 6 pike te plota. Lajme te mira edhe per Mancester Junajtid qe fiton 1-0 ne fushen e Valencias me rrjeten e zevendesuesit Hernandez. Me te njejtin rezultat Rejnxhers kane mposhtur Bursaspor. Ne Grupin D Barcelona frenohet ne fushen e Rubin Kazan duke barazuar 1-1 ndersa Kopenhagen regjistron surprizen me te madhe te mbremjes duke fituar 0-2 ne fushen e Panathinaikosit.