Euro nis revanshin ndaj lekut, dje 137 leke

Java ka nisur serish me nje zhvleresim te monedhes vendase, lekut, ndaj monedhes se perbashket euro. Dje ne agjencite e kembimit valutor, nje euro eshte blere me 136,8 leke dhe u shit me 137,3 leke, ndersa nje dollar u ble mesatarisht me 93 leke dhe u shit me 93,5 leke. Ngritjen e vlerave te euros ne keto nivele, ekspertet ne agjencite e kembimit valutor e shpjeguan me kerkesen e madhe per valutes, e konkretisht ne euro, faktor qe ka ndikuar ne rritjen e vlerave te monedhes se perbashket ndaj lekut. Kohet e fundit kembimi i lekut me euron eshte luhatur ndjeshem. Ne fillim te muajit euro ka kushtuar 138 leke, me pas 134 leke dhe dje 136 leke. Qe nga fillimi i vitit e deri me tani monedha vendase leku eshte zhvleresuar 12.6 per qind ne kembim me euron kurse ne kembim me dollarin vlera ka qene me e ekuilibruar. Eksperte te ekonomise vleresojne se, zhvleresimi i monedhes vendase ne nje moment te caktuar deri rreth 15 % nuk eshte shqetesues. Pertej ketij kufiri autoritetet duhet te shqetesohen. Mirepo Banka e Shqiperise nderhyn rregullisht nepermjet instrumenteve te saj ne stabilizimin e tregut te kembimit. Por gjithsesi Banka e Shqiperise eshte shprehur se, vlera e lekut ne treg do te vendoset nga tregu i lire. Sipas autoriteteve tona te financave dhe bankave edhe per nje kohe te gjate leku do te jete monedha qe do te dominoje transaksionet brenda vendit. Rrogat dhe pensionet do te jene ne kete monedhe, i gjithe tregu i pakices dhe qindra sherbime te tjera ofrohen ne leke. Keshtu qe qytetaret shqiptare duhet te mos humbasin besimin tek leku, i cili pergjate 10 viteve te fundit ka shfaqur qendrueshmeri ne tregun e kembimit, duke reflektuar keshtu qendrueshmerine makroekonomike te vendit.