Medvedev: Dialogu Rusi- Shqiperi, faktor stabiliteti

Presidenti i Rusise, Dmitri Medvedev ka deklaruar se dialogu ruso-shqiptar eshte nje nga faktoret e rendesishem te stabilitetit ne Ballkan. "Ne duam te shtojme bashkepunimin me Shqiperine, duke pasur parasysh interesat tona", ka thene Medvedev. Presidenti i Rusise i ka bere keto komente ne Kremlin, me rastin e dorezimit te letrave akredituese te ambasadoreve te rinj, ne mesin e te cileve edhe ambasadori i Shqiperise. "Dialogun ruso-shqiptar e konsiderojme si nje nga faktoret e rendesishem te stabilitetit ne Ballkan", ka thene Medvedev. Kjo deklarate e Medvedev vjen vetem disa dite pasi shefi i diplomacise ruse Sergej Lavrov, shprehu shqetesimin e Moskes per shkak te deklarates se kryeministrit shqiptar Sali Berisha per nevojen e bashkimit te te gjithe shqiptareve. Duke komentuar deklaraten e Berishes gjate vizites ne Kosove, Lavrov ka thene se kjo deklarate duhet te ngjalle reagime te fuqishme te BE-se dhe NATO-s. Ndersa me pas do te vinte edhe kunder-reagimi i Berishes, i cili do te shprehej se behej fjale per nje keqkuptim ne perkthimin e deklarates qe ai kishte bere.