Evidentohen 120 mijë ha tokë e lirë
18/02/2005 Ministria e Bujqësisë paraqet hartën e pronave, që do të përdoren për kompensimin e ish- pronarëve
Ngec regjistrimi i pasurive, procesi është realizuar vetëm në 72 për qind
Komisioni i Tokës në Ministrinë e Bujqësisë bëri të ditur se deri më tani janë verifikuar rreth 120 mijë hektarë tokë bujqësore të lira. Verifikimi është bërë në kuadrin e përgatitjes së hartave për tokat, që do të përdoren për kthimin dhe kompensimin e ish-pronarëve. Të dhënat do të vihen në dispozicion të Komitetit Shtetëror të Kthimit dhe Kompensimit të Pronave që do të jetë institucioni përkatës që do të paraqesë faturën financiare për kthimin dhe kompensimin e ish-pronarëve. Evidentimin e aseteve që do të përdoren për kompensimin e ish-pronarëve pritet që ta paraqesë dhe Ministria e Rregullim Territorit. Sipas ligjit, ndërmarrjet me kapital shtetëror do të jenë në dispozicion të komitetit të kthimit dhe kompensimit të pronave. Por, deri më tani, nuk janë paraqitur të dhënat se sa kapital zotëron ende shteti shqiptar dhe që do të kalojnë në dispozicion të ish-pronarëve. Megjithatë, burimet thanë se të dhënat do të bëhen publike para datës 24 shkurt, kur Shqipëria do të paraqesë para Komisionit Evropian hapat që janë ndërmarrë për kompensimin e pronarëve të ligjshëm. Shifra e dhënë nga komisioni i Ministrisë së Bujqësisë, për hartën e tokave të lira, është më e ulët nga ajo që ka paraqitur një vit më parë Komiteti i Kthimit dhe Kompensimit të Pronave. Në atë kohë është thënë se në Shqipëri janë 133 mijë hektarë tokë bujqësore. Por, duke parë se gjatë një viti ka pasur vendime për ndërtime të fshatrave turistike apo veprimeve të tjera, është kërkuar rishikimi i hartës së tokave të lira.
Hipotekat
Specialistët e Ministrisë së Bujqësisë theksuan dje se mungesa e tapive, zbatimi me ritme të ngadalta i projektit të regjistrimit të pasurisë së paluajtshme, si dhe rritja e rasteve të konflikteve midis pronarëve, vazhdojnë të mbeten probleme që kërkojnë zgjidhje edhe nga institucionet e tjera. Nga të dhënat statistikore, deri në fund të vitit 2004, llogaritet të jenë dhënë rreth 72% e tapive për tokën e ndarë. Ndaj është kërkuar më shumë bashkëpunim me pushtetin vendor për të përfunduar procesin e nisur disa vite më parë. Faktikisht dhe në diskutimet e zhvilluara me Komisionin e Bujqësisë, disa muaj më parë, specialistët e Ministrisë së Bujqësisë kanë deklaruar për pengesat e hasura deri më tani për regjistrimin e tokës bujqësore. Duket se procesi i financuar dhe nga organizmat ndërkombëtare do të vazhdojë dhe gjatë këtij viti.
Komiteti i Pronave në pritje të metodikës
Komiteti Shtetëror i Kthimit dhe Kompensimit të Pronave pritet të zhvillojë javën e ardhshme një mbledhje për të miratuar rregulloren e funksionimit të komisioneve vendore në procesin e kthimit dhe kompensimit të ish-pronarëve. Burimet kanë bërë të ditur se këto ditë po priten vërejtjet e anëtarëve të komisioneve dhe më pas do të kalohet në votimin përfundimtar. Pas këtij veprimi do t'i hapet rruga e plotë procesit të kthimit dhe kompensimit të pronave ish-pronarëve. Megjithatë, një tjetër pengesë pritet të jetë dhe paraqitja e një studimi të plotë të çmimit të tokës në të gjithë zonat e Shqipërisë. Studimi mbi këtë pikë do të nisë pasi Kuvendi të ketë miratuar metodikën e kritereve për vendosjen e çmimit mbi tokën.
Të dhënat e një viti më parë
Toka bujqësore e pandarë
Berat 6001
Kuçovë 802
Skrapar 3945
Dibër 5522
Bulqizë 4764
Mat 4432
Krujë 1075
Elbasan 4451
Gramsh 3710
Librazhd 5282
Peqin 1174
Fier 2757
Lushnjë 2340
Mallakastër 1323
Gjirokastër 2041
Përmet 5826
Tepelenë 5636
Kukës 3700
Tropojë 2786
Korçë 9850
Kolonjë 3097
Devoll 2796
Pogradec 8980
Lezhë 140
Mirditë 1949
Tiranë 678
Kavajë 1086
Shkodër 2114
M. Madhe 6804
Pukë 2757
Vlorë 3447
Sarandë 319
Gjithsej 110584
Ngec regjistrimi i pasurive, procesi është realizuar vetëm në 72 për qind
Komisioni i Tokës në Ministrinë e Bujqësisë bëri të ditur se deri më tani janë verifikuar rreth 120 mijë hektarë tokë bujqësore të lira. Verifikimi është bërë në kuadrin e përgatitjes së hartave për tokat, që do të përdoren për kthimin dhe kompensimin e ish-pronarëve. Të dhënat do të vihen në dispozicion të Komitetit Shtetëror të Kthimit dhe Kompensimit të Pronave që do të jetë institucioni përkatës që do të paraqesë faturën financiare për kthimin dhe kompensimin e ish-pronarëve. Evidentimin e aseteve që do të përdoren për kompensimin e ish-pronarëve pritet që ta paraqesë dhe Ministria e Rregullim Territorit. Sipas ligjit, ndërmarrjet me kapital shtetëror do të jenë në dispozicion të komitetit të kthimit dhe kompensimit të pronave. Por, deri më tani, nuk janë paraqitur të dhënat se sa kapital zotëron ende shteti shqiptar dhe që do të kalojnë në dispozicion të ish-pronarëve. Megjithatë, burimet thanë se të dhënat do të bëhen publike para datës 24 shkurt, kur Shqipëria do të paraqesë para Komisionit Evropian hapat që janë ndërmarrë për kompensimin e pronarëve të ligjshëm. Shifra e dhënë nga komisioni i Ministrisë së Bujqësisë, për hartën e tokave të lira, është më e ulët nga ajo që ka paraqitur një vit më parë Komiteti i Kthimit dhe Kompensimit të Pronave. Në atë kohë është thënë se në Shqipëri janë 133 mijë hektarë tokë bujqësore. Por, duke parë se gjatë një viti ka pasur vendime për ndërtime të fshatrave turistike apo veprimeve të tjera, është kërkuar rishikimi i hartës së tokave të lira.
Hipotekat
Specialistët e Ministrisë së Bujqësisë theksuan dje se mungesa e tapive, zbatimi me ritme të ngadalta i projektit të regjistrimit të pasurisë së paluajtshme, si dhe rritja e rasteve të konflikteve midis pronarëve, vazhdojnë të mbeten probleme që kërkojnë zgjidhje edhe nga institucionet e tjera. Nga të dhënat statistikore, deri në fund të vitit 2004, llogaritet të jenë dhënë rreth 72% e tapive për tokën e ndarë. Ndaj është kërkuar më shumë bashkëpunim me pushtetin vendor për të përfunduar procesin e nisur disa vite më parë. Faktikisht dhe në diskutimet e zhvilluara me Komisionin e Bujqësisë, disa muaj më parë, specialistët e Ministrisë së Bujqësisë kanë deklaruar për pengesat e hasura deri më tani për regjistrimin e tokës bujqësore. Duket se procesi i financuar dhe nga organizmat ndërkombëtare do të vazhdojë dhe gjatë këtij viti.
Komiteti i Pronave në pritje të metodikës
Komiteti Shtetëror i Kthimit dhe Kompensimit të Pronave pritet të zhvillojë javën e ardhshme një mbledhje për të miratuar rregulloren e funksionimit të komisioneve vendore në procesin e kthimit dhe kompensimit të ish-pronarëve. Burimet kanë bërë të ditur se këto ditë po priten vërejtjet e anëtarëve të komisioneve dhe më pas do të kalohet në votimin përfundimtar. Pas këtij veprimi do t'i hapet rruga e plotë procesit të kthimit dhe kompensimit të pronave ish-pronarëve. Megjithatë, një tjetër pengesë pritet të jetë dhe paraqitja e një studimi të plotë të çmimit të tokës në të gjithë zonat e Shqipërisë. Studimi mbi këtë pikë do të nisë pasi Kuvendi të ketë miratuar metodikën e kritereve për vendosjen e çmimit mbi tokën.
Të dhënat e një viti më parë
Toka bujqësore e pandarë
Berat 6001
Kuçovë 802
Skrapar 3945
Dibër 5522
Bulqizë 4764
Mat 4432
Krujë 1075
Elbasan 4451
Gramsh 3710
Librazhd 5282
Peqin 1174
Fier 2757
Lushnjë 2340
Mallakastër 1323
Gjirokastër 2041
Përmet 5826
Tepelenë 5636
Kukës 3700
Tropojë 2786
Korçë 9850
Kolonjë 3097
Devoll 2796
Pogradec 8980
Lezhë 140
Mirditë 1949
Tiranë 678
Kavajë 1086
Shkodër 2114
M. Madhe 6804
Pukë 2757
Vlorë 3447
Sarandë 319
Gjithsej 110584